Ing jaman saiki, meh kabeh siswa mesthi ora bisa ucul saka sing jenenge gadget lan media sosial. Donya digital wis dadi “omah kapindho” kanggo kita kabeh. Nanging, ana babagan sing asring kelalen nalika kita dolanan jempol ing layar HP, yaiku unggah-ungguh.
Akeh wong sing nganggep yen ing media sosial kita bebas ngomong apa wae tanpa wates. Kamangka, “Ajining diri dumunung ing lathi, ajining raga dumunung ing busana” kuwi tetep lumaku ing donya maya. Basa sing kita gunakake ing kolom komentar utawa status nggambarake sapa sejatine dhiri kita.
Apa wae sing kudu digatekake?
- Sapa sing diajak guneman: Senajan ora adu arep langsung, kita kudu mangerteni sapa sing nampa pesen kita. Ngomong karo kanca mesthi beda karo ngirim pesen marang Bapak/Ibu Guru.
- Saring sadurunge sharing: Aja gampang percaya karo pawarta sing durung mesthi bener (hoax). Minangka siswa SMA sing pinter, kita kudu bisa milah lan milih informasi.
- Tembung sing prayoga: Nganggo basa sing kasar utawa ngasurake wong liya (bullying) kuwi dudu watake wong Jawa sing luhur.
Mula, ayo dadi generasi sing ora mung smart teknologine, nanging uga smart budi pekertine. Gunakake media sosial kanggo babagan sing positif, kreatif, lan tetep njaga jeneng becik kulawarga sarta sekolah.
Tinggalkan Balasan